జనహితం న్యూస్: నిన్న జరిగిన KKR vs LSG మ్యాచ్‌లో అందరి చూపు ఒక యువ ఆటగాడిపై పడింది… అతడే Mukul Choudhary. మ్యాచ్ క్లిష్ట పరిస్థితుల్లోకి వెళ్లిన సమయంలో క్రీజ్‌లోకి వచ్చిన ముకుల్, ఎలాంటి భయం లేకుండా ఆడిన తీరు నిజంగా అద్భుతం.

మొదట కొంచెం సైలెంట్‌గా మొదలుపెట్టిన అతను, తర్వాత ఒక్కసారిగా గేర్ మార్చేశాడు. బౌలర్లపై దాడి చేస్తూ ఒక్కో సిక్స్‌తో మ్యాచ్ మూడ్ మార్చేశాడు. కేవలం 27 బంతుల్లోనే 54 పరుగులు చేసి అజేయంగా నిలవడం, అందులో 7 సిక్సులు ఉండడం… అది సాధారణ ఇన్నింగ్స్ కాదు, మ్యాచ్‌ను ఒంటరిగా మార్చిన ఇన్నింగ్స్ అని చెప్పాలి.

మ్యాచ్ ముగిసే సమయానికి స్టేడియం మొత్తం అతని పేరే మార్మోగింది. “ఇదే అసలు మ్యాచ్ విన్నింగ్ ఇన్నింగ్స్” అని అభిమానులు మాట్లాడుకుంటూ కనిపించారు. ఈ అద్భుత ప్రదర్శనకు గాను అతనికి ప్లేయర్ ఆఫ్ ది మ్యాచ్ అవార్డు ఇవ్వడం సహజమే. ఒకే ఇన్నింగ్స్‌తో ముకుల్ చౌదరి అందరికీ గుర్తుండిపోయే పేరు అయిపోయాడు.