బాన్సువాడ నియోజకవర్గ కేంద్రంలో ఈ నెల 5వ తేదీన నిర్వహించే బాబూ జగ్జీవన్ రామ్ జయంతి ఉత్సవాలలో పాల్గొనాలని ఆ సంఘం నాయకులు తెలంగాణ రాష్ట్ర ప్రభుత్వ సలహాదారులు, స్థానిక శాసనసభ్యులు పోచారం శ్రీనివాస్ రెడ్డి గారిని కలిసి ఆహ్వానించారు. ఈ సందర్బంగా సంఘం డివిజన్ అధ్యక్షులు దొబ్బల గంగాధర్ మాట్లాడుతూ ఆ రోజున బాన్సువాడ పట్టణంలోని పాత బాన్సువాడ నుండి భారీ ర్యాలీ నిర్వహించడం జరుగుతుందని అన్నారు. ఈ కార్యక్రమంలో డివిజన్ నాయకులు కాదేపురం గంగన్న, ఎర్రవట్టి పోషిరాం, మారుశెట్టి హన్మాండ్లు, కోటగిరి సతీష్, ముక్కగల్ల ప్రసాద్, కూడుగొల్లా రమేష్, ఎర్రోళ్ల అశోక్, ఎడ్ల మహేష్, డప్పు రమేష్, సింగని రవి వర్మ, ముర్రగల్ల శివ కుమార్, శ్రీకాంత్ తదితరులు పాల్గొన్నారు.