జనహితం న్యూస్: రాష్ట్రంలో పెట్రోల్, డీజిల్ మరియు గ్యాస్ నిల్వలు సమృద్ధిగా ఉన్నాయని, ప్రజలు ఎలాంటి ఆందోళన చెందాల్సిన అవసరం లేదని రాష్ట్ర ఉప ముఖ్యమంత్రి శ్రీ మల్లు భట్టి విక్రమార్క గారు స్పష్టం చేశారు.

​నేడు శాసనమండలి సమావేశపు హాలులో మంత్రులు, ఉన్నతాధికారులతో కలిసి ఆయన నిర్వహించిన సమీక్షా సమావేశంలోని ముఖ్యాంశాలు:

• ​నిల్వలు పుష్కలం: హైదరాబాద్‌తో పాటు రాష్ట్రవ్యాప్తంగా ఇంధన నిల్వలు తగినంతగా ఉన్నాయి.
• ​వదంతులు నమ్మకండి: సోషల్ మీడియాలో వచ్చే తప్పుడు కథనాలను నమ్మి ఆందోళన చెందవద్దు.
• ​అదనపు నిల్వలు వద్దు: అవసరానికి మించి పెట్రోల్, గ్యాస్‌ను నిల్వ చేసుకోవద్దని వినియోగదారులకు విజ్ఞప్తి.
• ​అధికారులకు ఆదేశం: బంకుల వద్దకు వచ్చే చివరి వాహనదారునికి కూడా పెట్రోల్ దొరుకుతుందనే భరోసా కల్పించాలి.
• ​కఠిన చర్యలు: బ్లాక్ మార్కెట్ చేసే వారిపై చట్ట ప్రకారం కఠిన చర్యలు తీసుకోవాలని అధికారులకు ఆదేశం.

​ప్రభుత్వం పెట్రోల్, గ్యాస్ ఏజెన్సీలకు పూర్తి సహకారం అందిస్తుందని, సరఫరాలో ఎలాంటి అంతరాయం కలగకుండా పర్యవేక్షిస్తున్నామని మంత్రి తెలిపారు.

​ఈ సమావేశంలో మంత్రి శ్రీ ఉత్తమ్ కుమార్ రెడ్డి, ప్రభుత్వ ప్రధాన కార్యదర్శి శ్రీ రామ కిషన్ రావు మరియు ఇతర ఉన్నతాధికారులు పాల్గొన్నారు.