జనహితం న్యూస్, కామారెడ్డి: కామారెడ్డి జిల్లా బాన్సువాడ లో ఈ రోజు ఎమర్జెన్సీ మెడికల్ టెక్నీషియన్ (ఈ ఎం టి) డే సందర్భంగా 108 అంబులెన్స్ సిబ్బంది ఆధ్వర్యంలో ఘనంగా వేడుకలు నిర్వహించబడ్డాయి.ఈ ఎం టి లు,పైలట్లు మరియు ఇతర సిబ్బంది పాల్గొని తమ సేవల ప్రాముఖ్యతను వివరించారు.

108 సేవలు – సమాజానికి ప్రాణాధారం

ఉచిత అత్యవసర వైద్య సేవలు – 24 గంటలు అందుబాటులో ఉంటాయి.పట్టణ, గ్రామీణ ప్రాంతాల్లో సమాన సేవలు ప్రమాదాలు, గుండెపోటు, స్ట్రోక్, గర్భిణీ అత్యవసరాల్లో వేగవంతమైన స్పందన 108 అంబులెన్స్ సేవలు అత్యవసర పరిస్థితుల్లో ప్రజలకు ఒక ప్రాణాధారంగా నిలుస్తున్నాయి. సమయానికి స్పందించడం ద్వారా అనేక ప్రాణాలను కాపాడుతున్నాయి. ఈ ఎం టి లు – ప్రాణ రక్షకులు సంఘటనా స్థలంలోనే ప్రాథమిక చికిత్స గోల్డెన్ అవర్‌లో వేగవంతమైన సేవలు రోగిని స్థిరపరిచి ఆసుపత్రికి తరలింపు ఈ ఎం టి లు అత్యవసర సమయంలో మొదటి స్పందనకర్తలుగా పనిచేస్తూ ప్రాణాలను కాపాడడంలో కీలక పాత్ర పోషిస్తున్నారు. జిల్లాలో 108 సేవల వినియోగం – 29,276 కేసులు ఒకే సంవత్సరంలో 29,276 అత్యవసర కేసులకు సేవలు ప్రమాద బాధితులు, గర్భిణీలు, గుండె స్ట్రోక్ రోగులకు సేవలు వేలాది మంది లబ్ధిదారులకు సమయానుకూల వైద్య సహాయం.

ఈ గణాంకాలు 108 సేవలపై ప్రజల నమ్మకాన్ని స్పష్టంగా చూపిస్తున్నాయి. వాయిస్ – సేవే మా లక్ష్యం

“మేము ప్రతి రోజు అత్యవసర కాల్స్‌కు స్పందిస్తూ, కొన్ని నిమిషాల్లో సంఘటనా స్థలానికి చేరుకుంటాము. గోల్డెన్ అవర్‌లో ఇచ్చే చికిత్స వల్ల అనేక ప్రాణాలను కాపాడగలుగుతున్నాము. ప్రజలు అత్యవసర పరిస్థితుల్లో ఆలస్యం చేయకుండా వెంటనే 108కు కాల్ చేయాలి. ప్రతి ప్రాణం మాకు అమూల్యమైనది,” అని ఈ ఎం టి ప్రసాద్ తెలిపారు.

ప్రోగ్రామ్ మేనేజర్ అభిప్రాయం

ప్రోగ్రామ్ మేనేజర్ జనార్ధన్ మాట్లాడుతూ, జిల్లాలో 108 సేవలు ప్రజలకు అత్యంత అవసరమైన సమయంలో ప్రాణాధారంగా నిలుస్తున్నాయి. ఈ ఎం టి అంకితభావంతో పనిచేస్తూ ప్రతి కాల్‌ను అత్యవసరంగా తీసుకుని స్పందిస్తున్నారు. ప్రతి ఒక్కరూ అత్యవసర పరిస్థితుల్లో 108 సేవలను వినియోగించుకోవాలి,” అని తెలిపారు.

కామారెడ్డి జిల్లా మేనేజర్ తిరుపతి మాట్లాడుతూ ఈ ఎం టి ల సేవలు మానవతా సేవలకు ప్రతీకగా నిలుస్తున్నాయి. ప్రాణాలను కాపాడే ఈ సేవల పట్ల ప్రతి ఒక్కరూ గౌరవం చూపాలని అధికారులు సూచించారు. ఈ కార్యక్రమంలో ఈ ఏం టి శివకుమార్, కమలాకర్, రమేష్, రజిత, రాహుల్, పైలెట్లు పుండరీకము, శ్రీనివాస్ గౌడ్, రాజు, నరేష్, శ్రీకాంత్ లు పాల్గొన్నారు.