​జనహితం న్యూస్, టీ నర్సాపురం: ఆంధ్రప్రదేశ్ - తెలంగాణ సరిహద్దుల్లో భద్రతను మరింత కట్టుదిట్టం చేస్తూ, ఏలూరు జిల్లా జీలుగుమిల్లి మండలంలోని తాటియాకులగూడెం వద్ద నూతన పోలీస్ బోర్డర్ చెక్‌పోస్ట్‌ను గురువారం అధికారులు అధికారికంగా ప్రారంభించారు. ఈ కార్యక్రమం ద్వారా సరిహద్దు ప్రాంతాల్లో నిఘాను పెంచడమే కాకుండా, అక్రమ రవాణాను అడ్డుకోవడమే ప్రధాన లక్ష్యమని అధికారులు పేర్కొన్నారు.

​ఈ ప్రారంభోత్సవ కార్యక్రమంలో పోలవరం డీఎస్పీ వెంకటేశ్వరరావు, సీఐ వెంకటేశ్వరరావు ముఖ్య అతిథులుగా పాల్గొన్నారు. వీరితో పాటు జీలుగుమిల్లి ఎస్సై క్రాంతి కుమార్, బుట్టాయగూడెం మరియు టి.నర్సాపురం జయబాబు ఎస్సైలు కూడా హాజరయ్యారు. సరిహద్దు గుండా వెళ్లే వాహనాల కదలికలను నిరంతరం పర్యవేక్షించేందుకు ఈ చెక్‌పోస్ట్ కీలక భూమిక పోషిస్తుందని వారు తెలిపారు.

​ఈ సందర్భంగా డీఎస్పీ వెంకటేశ్వరరావు మాట్లాడుతూ ప్రతి వాహనాన్ని క్షుణ్ణంగా తనిఖీ చేసిన తర్వాతే అనుమతించాలి.

​అనుమానాస్పద రవాణా, ముఖ్యంగా అక్రమ మద్యం, గంజాయి మరియు ఇతర నిషేధిత వస్తువుల సరఫరాపై నిఘా ఉంచాలి.విధుల్లో ఉన్న సిబ్బంది 24 గంటల పాటు అప్రమత్తంగా ఉంటూ శాంతిభద్రతల పరిరక్షణకు సహకరించాలి అని తెలిపారు