జనహితం న్యూస్, పోలవరం నియోజకవర్గం: మాజీ ముఖ్యమంత్రి వైయస్ జగన్మోహన్ రెడ్డి ఆదేశాల మేరకు, గత ఐదు సంవత్సరాల కాలంలో వైయస్సార్ కాంగ్రెస్ పార్టీ ప్రభుత్వం ప్రతిష్టాత్మకంగా చేపట్టిన 'గడప గడపకు మన ప్రభుత్వం' కార్యక్రమం పోలవరం నియోజకవర్గంలో విజయవంతంగా కొనసాగింది. ఈ కార్యక్రమంలో భాగంగా కొయ్యలగూడెం మండలం శ్రీరంగపట్నం గ్రామంలో పోలవరం నియోజకవర్గ మాజీ ఎమ్మెల్యే, వైయస్సార్ సిపి ఇన్చార్జ్ తెల్లం బాలరాజు పర్యటించారు. ​గ్రామంలోని ప్రతి ఇంటికీ వెళ్లిన బాలరాజు, ప్రభుత్వం అందిస్తున్న సంక్షేమ పథకాలు ప్రజలకు సక్రమంగా అందుతున్నాయా లేదా అని స్వయంగా ఆరా తీశారు. లబ్ధిదారులతో నేరుగా మాట్లాడి, వారికి అందిన లబ్ధిని వివరించారు. అర్హత ఉండి ఏ ఒక్కరికైనా పథకాలు అందకపోతే వెంటనే అధికారుల దృష్టికి తీసుకెళ్లి పరిష్కరించాలని సూచించారు.

​ఈ సందర్భంగా కొయ్యలగూడెం వైయస్సార్ కాంగ్రెస్ పార్టీ టౌన్ వైస్ ప్రెసిడెంట్ రవి మాట్లాడుతూ.. .ముఖ్యమంత్రి జగన్మోహన్ రెడ్డి ఆశయాలకు అనుగుణంగా తెల్లం బాలరాజు నిరంతరం ప్రజల మధ్య ఉంటూ వారి సమస్యల పరిష్కారానికి కృషి చేస్తున్నారని కొనియాడారు. సంక్షేమ పథకాలే ఈ ప్రభుత్వానికి శ్రీరామరక్ష అని, ప్రతి గడపకూ మేలు జరిగిందని ఆయన పేర్కొన్నారు.​

ఈ కార్యక్రమంలో స్థానిక నాయకులు, వార్డు మెంబర్లు మరియు భారీ సంఖ్యలో వైయస్సార్ కాంగ్రెస్ పార్టీ కార్యకర్తలు పాల్గొన్నారు. ప్రజలు తమ సమస్యలను ప్రజా ప్రతినిధుల దృష్టికి తీసుకువస్తూ, ప్రభుత్వం చూపిస్తున్న ఆదరణ పట్ల హర్షం వ్యక్తం చేశారు.