​జనహితం న్యూస్, టీ నర్సాపురం: ఏలూరు జిల్లా టీ. నర్సాపురం మండలం అల్లం చర్ల కొత్తగూడెంలో జనసేన యువ నాయకుడు కలిశెట్టి సాయి - అక్షయల వివాహ రిసెప్షన్ వేడుక మంగళవారం ఘనంగా జరిగింది. ఈ కార్యక్రమానికి రాష్ట్ర తెలుగుదేశం పార్టీ కార్యదర్శి శీలం వెంకటేశ్వరరావు ముఖ్య అతిథిగా విచ్చేసి ప్రత్యేక ఆకర్షణగా నిలిచారు.

​రిసెప్షన్ వేడుకకు చేరుకున్న శీలం వెంకటేశ్వరరావుకు స్థానిక నాయకులు, కార్యకర్తలు ఘనస్వాగతం పలికారు. అనంతరం ఆయన నూతన వధూవరులను ఆశీర్వదించి, వారికి శుభాకాంక్షలు తెలియజేసారు. ఈ సందర్భంగా ఆయనతో పాటు మండల టిడిపి ప్రధాన కార్యదర్శి వెలిది నాగబాబు, వేపగుంట పంచాయతీ టిడిపి అధ్యక్షులు సాధనాల బూసి బాబు, సీనియర్ నాయకులు కలిశెట్టి పార్థసారథి, కొప్పుల గంగ బాబు, కుమారస్వామి మరియు పలువురు స్థానిక టిడిపి నేతలు పాల్గొన్నారు.

​రాష్ట్ర స్థాయి నేత అయిన శీలం వెంకటేశ్వరరావు రాకతో వేడుక ప్రాంగణంలో రాజకీయ సందడి నెలకొంది. నియోజకవర్గంలోని తెలుగుదేశం పార్టీ శ్రేణులు పెద్ద సంఖ్యలో తరలివచ్చి ఆయనను మర్యాదపూర్వకంగా కలుసుకున్నారు.